XORIJIY TILLARNI O‘QITISH METODIKASIDA INNOVATSION YONDASHUVLAR: ZAMONAVIY TEXNOLOGIYALAR VA KOMMUNIKATIV METODLAR INTEGRATSIYASI

Annotasiya

Mazkur tadqiqot xorijiy tillarni o‘qitish metodikasida zamonaviy texnologiyalar va kommunikativ metodlarni integratsiyalash orqali ta’lim samaradorligini oshirish imkoniyatlarini tahlil qilishga qaratilgan. Tadqiqotda Lin, Mohamad va Yunus, Gong, Mohd Said va Adnan hamda Li, Shadiev va Chiu kabi tadqiqotchilarning yondashuvlari o‘rganilib, vazifaga asoslangan til o‘qitish (TBLT), aralash ta’lim (blended learning) va generativ sun’iy intellekt texnologiyalarining xorijiy til ko‘nikmalarini rivojlantirishdagi imkoniyatlari tahlil qilingan. Mavjud tadqiqotlar asosida TBLTning og‘zaki nutq ko‘nikmalarini rivojlantirish, blended learningning o‘quvchilarning mustaqil faoliyati va motivatsiyasini qo‘llab-quvvatlash hamda generativ sun’iy intellekt vositalarining til o‘rganish jarayonini takomillashtirishdagi ahamiyati aniqlangan. Shuningdek, mazkur yondashuvlarni kommunikativ metodlar bilan uyg‘unlashtirish o‘quvchilarning kommunikativ kompetensiyasi, motivatsiyasi va amaliy til ko‘nikmalarini rivojlantirish uchun samarali metodik imkoniyat yaratishi ko‘rsatib berilgan.