TA’LIM TIZIMIDA ZAMONAVIY BOSHQARUV TIZIMINI TAKOMILLASHTIRISH

Annotasiya

Boshqaruv faoliyati - inson, moliyaviy va moddiy resurslardan foydalangan holda tashkilot maqsadlariga erishishga qaratilgan harakatlarni rejalashtirish, tashkil etish, muvofiqlashtirish, rag‘batlantirish va nazorat qilishning maqsadli jarayoni. Bu mansabdor shaxslarning ma’lum bir soha yoki kompaniya doirasidagi raqobatdosh ustunliklarni va resurslardan optimal foydalanishni ta’minlash, vazifalarga samarali erishish usullari va amaliyotlarini o‘rganadigan kasbiy faoliyati. Boshqaruv tabiat va jamiyatda keng tarqalgan universal hodisadir. Bu tushuncha fanda keng namoyon bo‘lib, biologik, texnik, iqtisodiy, ijtimoiy va boshqa uyushgan tizimlarga xos bo‘lgan funksiyani bildiradi. Shuning uchun boshqaruv tushunchasiga turli xil ta’riflar mavjud.