ZAMONAVIY LINGVISTIKADA GLOBALIZATSIYA

Annotasiya

Zamonaviy lingvistika doirasida globalizatsiya jarayonlarining tillarga ko‘rsatayotgan ko‘p qirrali ta’siri ilmiy-nazariy jihatdan tahlil qilinadi. Xalqaro integratsiya, axborot-kommunikatsiya texnologiyalarining jadal rivoji hamda madaniyatlararo aloqalarning kengayishi natijasida tillar o‘rtasidagi o‘zaro ta’sir kuchayib borayotgani, bu esa ayrim tillarning funksional imkoniyatlarini kengaytirish bilan birga, kichik va kam qo‘llaniladigan tillarning iste’moldan chiqib ketish xavfini yuzaga keltirayotgani asoslab beriladi. Til siyosatining mohiyati, uning ijtimoiy-madaniy jarayonlarni tartibga solishdagi roli hamda milliy tillarni saqlash va rivojlantirishdagi ahamiyati zamonaviy lingvistik yondashuvlar asosida ochib beriladi. Maqolada lisoniy identiklik tushunchasi shaxs va jamiyat o‘zligini anglashning muhim komponenti sifatida ko‘rib chiqilib, global muhitda uning transformatsiyaga uchrashi masalalari tahlil etiladi. Dominant tillarning ustunligi, til assimilyatsiyasi, madaniy identifikatsiyaning zaiflashuvi kabi muammolar ilmiy asosda yoritilib, ularni bartaraf etishning samarali yo‘llari sifatida ko‘p tillilik siyosatini qo‘llab-quvvatlash, milliy tillarni ta’lim tizimida mustahkamlash hamda lingvistik xilma-xillikni asrashga qaratilgan strategiyalar taklif etiladi.